AKP ភ្នំពេញ ថ្ងៃទី២៥ ខែមិថុនា ឆ្នាំ២០២៥ -- រដ្ឋមន្ត្រីការពារជាតិហូឡង់លោក រូបេន ប្រេកេលមេនស៍ (Ruben Brekelmans) កាលពីថ្ងៃអង្គារបានប្រកាសកញ្ចប់ជំនួយយោធាថ្មីមួយដែលមានតម្លៃ ១៧៥លានអឺរ៉ូ (២០៣លានដុល្លារអាម៉េរិក) សម្រាប់អ៊ុយក្រែន។

កញ្ចប់ជំនួយនេះរួមបញ្ចូលទាំងប្រព័ន្ធរ៉ាដា យានគ្មានមនុស្សបើក និងយន្តហោះគ្មានមនុស្សបើក រួមទាំងនឹងកិច្ចសន្យាជាមួយក្រុមហ៊ុនអ៊ុយក្រែនក្នុងការផលិតយន្តហោះគ្មានមនុស្សបើក។ ការ​ប្រកាស​នេះ​ស្រប​ពេល​នឹង​ការ​បើក​កិច្ច​ប្រជុំ​កំពូល​ប្រចាំ​ឆ្នាំ​របស់​អង្គការ​អូតង់​នៅ​ទីក្រុង​ឡាអេ។

ប្រធានាធិបតីអ៊ុយក្រែន លោក វូឡូឌីមៀ ហ្សេលេនស្គី (Volodymyr Zelensky) បានធ្វើដំណើរមកដល់ទីក្រុងឡាអេ កាលពីថ្ងៃអង្គារ ហើយបានជួបជាមួយនាយករដ្ឋមន្ត្រីហូឡង់ លោក ឌីក ស្កូហ្វ (Dick Schoof) ៕

ដោយ៖ មូល មិនា (ប្រភព៖ ស៊ីនហួ)