AKP ភ្នំពេញ ថ្ងៃទី២៤ ខែមិថុនា ឆ្នាំ២០២៥ -- ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) កាលពីថ្ងៃចន្ទ បានអំពាវនាវឱ្យរក្សាតម្លៃប្រេងឱ្យធ្លាក់ចុះ ខណៈដែលតម្លៃបានកើនឡើងដល់កម្រិតខ្ពស់មួយក្នុងរយៈពេលប្រាំខែកន្លងមកនេះ បន្ទាប់ពីមានការវាយប្រហារកាលពីចុងសប្តាហ៍មុនរបស់សហរដ្ឋអាមេរិកទៅលើរោងចក្រនុយក្លេអ៊ែរអ៊ីរ៉ង់។

លោក ត្រាំ បានសរសេរនៅលើប្រព័ន្ធផ្សព្វផ្សាយសង្គមថា «អ្នករាល់គ្នា សូមរក្សាតម្លៃប្រេងឱ្យនៅតែធ្លាក់ចុះ។ ខ្ញុំកំពុងមើល! អ្នកកំពុងលេងជាមួយសត្រូវហើយ។ ចូរកុំធ្វើវា»។

ការព្រមាននេះបានកើតឡើងនៅពេលដែលទីផ្សារប្រេងមានប្រតិកម្មចំពោះការវាយប្រហាររបស់សហរដ្ឋអាមេរិកទៅលើទីតាំងនុយក្លេអ៊ែរអ៊ីរ៉ង់នៅ Fordo, Natanz និង Isfahan កាលពីថ្ងៃសៅរ៍ ដែលវាត្រូវបានបញ្ជាដោយលោក ត្រាំ ហើយតម្លៃប្រេងនឹងកើនឡើងដោយការភ័យខ្លាចការរំខានចំពោះការផ្គត់ផ្គង់។

ការកើនឡើងតម្លៃប្រេងត្រូវបានជំរុញដោយការព្រួយបារម្ភថា អ៊ីរ៉ង់អាចនឹងបិទច្រកសមុទ្រ Hormuz ដែលតាមរយៈនោះ ប្រេង និងផលិតផលប្រេងប្រហែល ២០លានបារ៉ែលត្រូវបានឆ្លងកាត់ជារៀងរាល់ថ្ងៃ ដែលភាគច្រើនជាគោលដៅសម្រាប់ទីផ្សារអាស៊ី រួមទាំងប្រទេសចិនផងដែរ។

សភារបស់ប្រទេសអ៊ីរ៉ង់ កាលពីថ្ងៃអាទិត្យបានអនុម័តទៅលើសំណើដើម្បីបិទផ្លូវទឹកយុទ្ធសាស្ត្រមួយនោះ បន្ទាប់ពីការវាយប្រហាររបស់សហរដ្ឋអាមេរិក បើទោះបីជាការសម្រេចចិត្តចុងក្រោយស្ថិតនៅលើក្រុមប្រឹក្សាសន្តិសុខជាតិជាន់ខ្ពស់របស់អ៊ីរ៉ង់ក៏ដោយ។

ច្រកសមុទ្របឡគ្រប់គ្រង ៨៥% នៃការនាំចេញប្រេងរបស់អ៊ីរ៉ាក់ និងការនាំចេញប្រេងភាគច្រើនរបស់អ៊ីរ៉ង់ទៅកាន់ប្រទេសចិន។ កប៉ាល់ដឹកប្រេងមួយចំនួនបានបកក្រោយរួចហើយ ដើម្បីជៀសវាងការចូលទៅក្នុងផ្លូវទឹកនោះ បើទោះបីជាចរាចរណ៍កប៉ាល់នៅតែបន្តក៏ដោយ។

អនុប្រធានាធិបតីសហរដ្ឋអាមេរិក លោក ជេឌី វេនស៍ (JD Vance) បាននិយាយថា ការរំខានចរាចរណ៍នៅច្រកសមុទ្រនឹងជាក្លាយជាការធ្វើអត្តឃាតសម្រាប់ទីក្រុងតេអេរ៉ង់។

រដ្ឋមន្ត្រីការបរទេសសហរដ្ឋអាមេរិក លោក ម៉ាកូ រូប៊ីអូ (Marco Rubio) បានព្រមានថា រាល់វិធានការរបស់ទីក្រុងតេអេរ៉ង់ដើម្បីបិទច្រកសមុទ្រនោះបន្ទាប់ពីការវាយប្រហារនាពេលថ្មីៗនេះ៕

ដោយ៖ យា ចិន្ដាខន្ដី (ប្រភព៖ AA-AKP)