AKP ភ្នំពេញ ថ្ងៃទី២៤ ខែមិថុនា ឆ្នាំ២០២៥ -- ប្រធានាធិបតីតួកគី លោក រេសេប តាយយីប អឺដូហ្គែន (Recep Tayyip Erdogan) បាននិយាយកាលពីថ្ងៃចន្ទថា តួកគីកំពុងខិតខំប្រឹងប្រែងយ៉ាងខ្លាំងដើម្បីការពារការវាយប្រហារដោយអ៊ីស្រាអែល និងអ្នកគាំទ្រប្រឆាំងនឹងប្រទេសអ៊ីរ៉ង់ពីការប្រែក្លាយទៅជាគ្រោះមហន្តរាយកាន់តែធំឡើង។

ការ​លើក​ឡើង​របស់​លោក អឺដូហ្គែន ខាងលើនេះបាន​ធ្វើ​ឡើង​ក្នុង​អំឡុង​ពេល​ថ្លែង​សុន្ទរកថា​របស់​លោក​នៅ​ក្នុង​ព្រឹត្តិការណ៍​សហជីព​មួយ​ក្នុង​រដ្ឋធានីអង់ការ៉ា។

លោក អឺដូហ្គែន បាននិយាយថា ទីក្រុងអង់ការ៉ាមិនដែលអត់ឱនចំពោះការវាយប្រហារប្រឆាំងនឹងអធិបតេយ្យភាពរបស់អ៊ីរ៉ង់ និងសន្តិសុខក្នុងតំបន់នោះទេ មិនថាពួកគេមកពីណាក៏ដោយ។

លោក​បាននិយាយ​បន្ថែម​ថា «យើង​បង្ហាញ​យ៉ាង​ច្បាស់​នូវ​ប្រតិកម្ម​របស់​យើង»៕

ដោយ៖ យា ចិន្ដាខន្ដី (ប្រភព៖ AA-AKP)