AKP ភ្នំពេញ ថ្ងៃទី០៦ ខែមិថុនា ឆ្នាំ២០២៥ -- មេបញ្ជាការថ្មីនៃកងកម្លាំងកងម៉ារីនសហរដ្ឋអាមេរិកកូរ៉េ (MARFORK) បានចូលកាន់តំណែងកាលពីថ្ងៃព្រហស្បតិ៍ ដោយប្តេជ្ញាថានឹង «ទទួលបានសមិទ្ធផលដ៏គួរឱ្យកត់សម្គាល់» ដោយផ្អែកលើភាពជាដៃគូសម្ព័ន្ធភាពកូរ៉េខាងត្បូង-សហរដ្ឋអាមេរិក។

យោងតាមកងកម្លាំង ​​MARFORK បានឱ្យដឹងថា លោកស្រី វ៉ាឡេរី ជេកសុន (Valerie Jackson) បានចូលកាន់ដំណែងពី លោក វីល្លាម ស៊ូហ្សា (William Souza) នៅក្នុងពិធីផ្លាស់ប្តូរមេបញ្ជាការដែលបានធ្វើឡើងនៅតំបន់ Camp Humphreys ក្នុងទីក្រុងព្យុងតេក មានចម្ងាយប្រហែល ៦០គីឡូម៉ែត្រភាគខាងត្បូងនៃទីក្រុងសេអ៊ូល។

ពិធីនេះក៏មានការចូលរួមពីលោក សាវយឺ ប្រុនសុន (Xavier Brunson) មេបញ្ជាការនៃបញ្ជាការអង្គការសហប្រជាជាតិ (UNC) បញ្ជាការកងកម្លាំងចម្រុះ និងកងកម្លាំងសហរដ្ឋអាមេរិកកូរ៉េ (USFK)។

មេបញ្ជាការថ្មីបាននិយាយថា «ភាពជាដៃគូរបស់យើងមានមូលដ្ឋាននៅក្នុងភាពរឹងមាំ និងត្រូវបានគូសបញ្ជាក់ដោយការប្តេជ្ញាចិត្តរបស់យើងចំពោះគ្នាទៅវិញទៅមកនៃតម្លៃរួមរបស់យើង និងស្ថិរភាពក្នុងតំបន់»។ «អ្នកទាំងអស់ ចក្ខុវិស័យរួមរបស់យើងនឹងទទួលបាននូវសមិទ្ធិផលគួរឱ្យកត់សម្គាល់»។

ត្រូវបានបង្កើតឡើងក្នុងឆ្នាំ១៩៩៥ សមាសភាគកងម៉ារីនសហរដ្ឋអាមេរិកដល់កងកម្លាំង USFK និងបញ្ជាការ UNC បានត្រួតពិនិត្យការត្រៀមខ្លួនរបស់កងកម្លាំងកងម៉ារីនសហរដ្ឋអាមេរិកនៅលើឧបទ្វីបកូរ៉េ ពង្រឹងអន្តរប្រតិបត្តិការជាមួយកងម៉ារីនកូរ៉េខាងត្បូង និងគាំទ្រដល់សមយុទ្ធរួម៕

ដោយ៖ មូល មិនា (ប្រភព៖ យ៉ុនហាប់)