AKP ភ្នំពេញ ថ្ងៃទី០៥ ខែមិថុនា ឆ្នាំ២០២៥ -- ច្បាប់នៃប្រភពដើមនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ជាការប្រមូលផ្តុំដែលបានរុះរើចេញនូវឧបសគ្គចំពោះប្រភព និងផលិតកម្ម ដែលលើកកម្ពស់ការរួមបញ្ចូលខ្សែសង្វាក់ឧស្សាហកម្មឱ្យកាន់តែស៊ីជម្រៅ។ នៅក្រោមយន្តការនេះ វត្ថុធាតុដើមដែលបានមកពីប្រទេសជាសមាជិកកិច្ចព្រមព្រៀង RCEP មួយ អាចត្រូវបានទទួលស្គាល់ថាជាវត្ថុធាតុដើមសម្រាប់ការផលិតរបស់ដៃគូនៃកិច្ចព្រមព្រៀង RCEP មួយផ្សេងទៀតសម្រាប់ការទទួលបានអត្ថប្រយោជន៍ពន្ធ។

ឧទាហរណ៍ ក្រុមហ៊ុន Wuxi Advanced Kayaku Chemical Co, Ltd នៅទីក្រុងវុស៊ី ខេត្តជាំងស៊ូ របស់ប្រទេសចិន ទទួលបានឋានៈជាប្រភពដើមក្នុងតំបន់ ដោយជោគជ័យសម្រាប់ផលិតផលថ្នាំជ្រលក់របស់ខ្លួនដែលផលិតដោយប្រើវត្ថុធាតុដើមដែលនាំចូលពីប្រទេសថៃ និងជប៉ុន។

​លោក ឆេង កេកេ (Cheng Keke) មន្ត្រី​គយទី​ក្រុងវូស៊ី បាននិយាយថា «ច្បាប់នៃប្រភពដើម» ជាចំណុចសំខាន់នៃកិច្ចព្រមព្រៀង RCEP ដែលមិនត្រឹមតែកាត់បន្ថយកម្រិតនៃអត្ថប្រយោជន៍ពន្ធប៉ុណ្ណោះទេ ប៉ុន្តែថែមទាំងជួយសហគ្រាសក្នុងការបង្កើនប្រសិទ្ធភាពសង្វាក់ឧស្សាហកម្មនៅក្នុងតំបន់រៀងៗខ្លួនផងដែរ។ វាបង្កើតឡើងវិញនូវការបែងចែកការងារក្នុងតំបន់ ពង្រឹងការរួមផលិតកម្ម និងបង្កើនកិច្ចសហប្រតិបត្តិការពាណិជ្ជកម្មក្នុងចំណោមសមាជិកនៃកិច្ចព្រមព្រៀង ដោយធ្វើឱ្យមានស្ថេរភាព និងពង្រឹងខ្សែសង្វាក់ផ្គត់ផ្គង់ឧស្សាហកម្ម និងការផ្គត់ផ្គង់ក្នុងតំបន់»៕

ដោយ៖ យា ចិន្ដាខន្ដី