AKP ភ្នំពេញ ថ្ងៃទី០៥ ខែមិថុនា ឆ្នាំ២០២៥ -- ក្រោមក្របខណ្ឌនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ទំនិញជួញដូរជាង ៩០% កំពុងសម្រេចបាននូវពន្ធនាំចូលសូន្យជាលំដាប់។ ការទូទាត់ពន្ធគយដែលបានពន្លឿន ត្រូវប្រើរយៈពេលត្រឹមតែ ៦ម៉ោងប៉ុណ្ណោះសម្រាប់ការដឹកជញ្ជូនរហ័ស និង ៤៨ម៉ោងសម្រាប់ទំនិញទូទៅ ដោយបានពង្រឹងបន្ថែមទៀតនូវការតភ្ជាប់រវាងការផលិតនៅក្នុងប្រទេសចិន និងទីផ្សារក្នុងតំបន់។

យោងទៅលើការលើកលែងពន្ធទៅលើសារធាតុសូដ្យូម ដែលបាននាំចេញទៅកាន់ប្រទេសជប៉ុន ដែលពីមុនមានចំនួន ៤,១% នោះ ក្រុមហ៊ុនវូហានយូជីហូឌីង​ (Wuhan Youji Holdings Ltd) ដែលជាក្រុមហ៊ុនផ្តល់ផលិតផលនេះដ៏ល្បីល្បាញដែលមានទីតាំងនៅទីក្រុងវូហាន ខេត្តហ៊ូបី នៅភាគកណ្តាលប្រទេសចិន បានរីករាយក្នុងការសន្សំពន្ធដែលកើនឡើងប្រមាណជិត ៥លានយ័ន។

នៅក្នុងខេត្តហ្សេជាំង កំពង់ផែនីងបូ-ហ្ស៊ូសាន បានចាប់ផ្តើមផ្លូវដឹកជញ្ជូនថ្មីទៅកាន់ប្រទេសជាសមាជិកនៃកិច្ចព្រមព្រៀង RCEP ដោយកាត់បន្ថយការចំណាយលើផ្នែកដឹកជញ្ជូនសម្រាប់សហគ្រាសបានយ៉ាងច្រើន។

ក្នុងរយៈពេលប៉ុន្មានឆ្នាំថ្មីៗនេះ ការកើនឡើងនៃទីក្រុងរបស់ប្រទេសចិនមួយចំនួន ដែលរួមមានទាំងទីក្រុងគីងដៅ ទីក្រុងគ័ងចូវ ទីក្រុងស៊ីមិន និងទីក្រុងដាលាន បានណែនាំនូវផ្លូវពាណិជ្ជកម្មដែលផ្តោតលើទីផ្សារនៃកិច្ចព្រមព្រៀង RCEP។ ការពង្រីកនេះបានពង្រឹងបន្ថែមទៀតនូវទំនាក់ទំនងសេដ្ឋកិច្ច និងពាណិជ្ជកម្មរបស់ប្រទេសចិនជាមួយសមាជិកផ្សេងទៀតនៃកិច្ចព្រមព្រៀង RCEP ដោយជំរុញកិច្ចសហប្រតិបត្តិការសេដ្ឋកិច្ចក្នុងតំបន់ឆ្ពោះទៅរកដំណាក់កាលថ្មីនៃការអភិវឌ្ឍរួមប្រកបដោយប្រសិទ្ធភាព៕

ដោយ៖ យា ចិន្ដាខន្ដី