AKP ភ្នំពេញ ថ្ងៃទី០៤ ខែមិថុនា ឆ្នាំ២០២៥ -- ទីភ្នាក់ងារសារព័ត៌មានKazinform បានរាយការណ៍កាលពីថ្ងៃចន្ទថា ប្រទេសកាហ្សាក់ស្ថាន តាជីគីស្ថាន និងអ៊ូសបេគីស្ថាន បានចុះហត្ថលេខាលើពិធីសារមួយស្តីពីការប្រើប្រាស់រួមគ្នានៃអាងស្តុកទឹកបារី តូជីក (Bahri Tojik) របស់ប្រទេសតាហ្ស៊ីគីស្ថាន ក្នុងអំឡុងពេលដែលមានប្រព័ន្ធធារាសាស្រ្តខ្ពស់បំផុតចាប់ពីខែមិថុនាដល់ខែសីហា ឆ្នាំ២០២៥។

ឯកសារនេះត្រូវបានចុះហត្ថលេខានៅក្រៅសន្និសីទអន្តរជាតិកម្រិតកំពូលស្តីពីការអភិរក្សផ្ទាំងទឹកកកដោយរដ្ឋមន្ត្រីធនធានទឹកនៃប្រទេសទាំងបី។ នៅក្រោមពិធីសារ ប្រទេសកាហ្សាក់ស្ថានត្រូវបានគេរំពឹងថានឹងទទួលបានទឹកចំនួន ៤៩១លានម៉ែត្រគូបក្នុងអំឡុងពេលនៃរដូវបន្លែ។

ពិធីសារនេះបានកំណត់កាលវិភាគប្រើប្រាស់ទឹកដែលសម្របសម្រួលក្នុងគោលបំណងធានាឱ្យមានការចែកចាយធនធានទឹកប្រកបដោយប្រសិទ្ធភាព និងតុល្យភាពរវាងប្រទេសទាំងបី។

លោក នួហ្សាន នួហ្សីជីតូវ (Nurzhan Nurzhigitov) រដ្ឋមន្ត្រីក្រសួងធនធានទឹក និងធារាសាស្រ្តរបស់ប្រទេសកាហ្សាក់ស្ថានបាននិយាយថា «ប្រទេសកាហ្សាក់ស្ថាននៅតែប្តេជ្ញាអនុវត្តន៍គម្រោងគ្រប់គ្រងទឹករួមគ្នានិងការលើកកម្ពស់គោលការណ៍នៃច្បាប់ទឹកអន្តរជាតិ។ មានតែតាមរយៈកិច្ចសហប្រតិបត្តិការប៉ុណ្ណោះដែលយើងអាចដោះស្រាយបញ្ហាប្រឈមនៃអាកាសធាតុប្រកបដោយប្រសិទ្ធភាព»។

មុននេះ មានសេចក្តីរាយការណ៍ថា រដ្ឋមន្ត្រីថាមពល និងធនធានទឹកនៃប្រទេសអ៊ូសបេគីស្ថាន កាហ្សាក់ស្ថាន និងកៀហ្ស៊ីស៊ីស្ថាន បានបើកកិច្ចប្រជុំមួយនៅទីក្រុងតាសកេន ដើម្បីពិភាក្សាអំពីប្រតិបត្តិការគ្មានការរំខាន និងប្រសិទ្ធភាពនៃប្រព័ន្ធទឹក និងថាមពលក្នុងតំបន់នារដូវរដូវក្តៅ៕

ដោយ៖ មូល មិនា (ប្រភព៖ ស៊ីនហួ)