AKP ភ្នំពេញ ថ្ងៃទី៣០ ខែឧសភា ឆ្នាំ២០២៥ -- យោធាបាននិយាយកាលពីថ្ងៃព្រហស្បតិ៍ថា ទាហានកូរ៉េខាងត្បូងម្នាក់ដែលឈរជើងនៅអង្គភាពជួរមុខក្បែរព្រំដែនអន្តរកូរ៉េបានបាញ់កាំភ្លើងយន្តទៅកាន់ប្រទេសកូរ៉េខាងជើងដោយចៃដន្យកាលពីដើមសប្តាហ៍នេះ ដោយជំរុញឱ្យយោធាធ្វើការផ្សាយតាមអាកាសដើម្បីជូនដំណឹងដល់ប្រទេសកូរ៉េខាងជើងអំពីឧប្បត្តិហេតុនេះ។

យោង​តាម​យោធាបានឱ្យដឹងថា ទាហាន​រូប​នេះ​បាន​បាញ់​ខុស​មួយ​ជុំ​ពី​កាំភ្លើង​យន្ត​ធុន K6 ពី​អង្គភាព​ក្រៅ​ប៉ុស្តិ៍​យាម​ក្នុង​ទីក្រុងយ៉ាងជូ មានចម្ងាយ​ប្រហែល ២៥គីឡូម៉ែត្រ​ភាគ​ខាងជើង​ទីក្រុង​សេអ៊ូល នៅ​ម៉ោង​ប្រហែល៥:០០នាទីល្ងាច។

លោក យ៉ាង ស៊ុងវ៉ាន់ (Yang Seung-kwan) អ្នកនាំពាក្យរបស់អគ្គសេនាធិការចម្រុះ (JCS) បានប្រាប់សន្និសីទសារព័ត៌មានថា «អង្គភាពបានធ្វើការផ្សាយភ្លាមៗទៅកាន់ប្រទេសកូរ៉េខាងជើងដើម្បីជូនដំណឹងអំពីឧបទ្ទវហេតុនេះ ហើយរហូតមកដល់ពេលនេះមិនមានចលនាមិនធម្មតាណាមួយបានកើតឡើងដោយយោធាកូរ៉េខាងជើងត្រូវបានរកឃើញនោះទេ»។

ឧប្បត្តិហេតុកាលពីថ្ងៃពុធបានកើតឡើងប្រហែលមួយខែបន្ទាប់ពីទាហានកូរ៉េខាងត្បូងម្នាក់បានបាញ់ខុសមួយជុំពីកាំភ្លើង​យន្ត​ធុន K6 ពីប៉ុស្តិ៍យាមមួយនៅខាងក្នុងតំបន់គ្មានយោធាដែលបំបែកប្រទេសកូរ៉េទាំងពីរក្នុងតំបន់ Cheorwon មានចម្ងាយប្រហែល ៧០គីឡូម៉ែត្រភាគខាងជើងនៃរដ្ឋធានី។

លោក យ៉ាង បាននិយាយថា យោធាបានបើកការស៊ើបអង្កេតលើករណីនេះ ហើយនឹងពិនិត្យមើលវិធានការដើម្បីការពារគ្រោះថ្នាក់ស្រដៀងគ្នានេះ៕

ដោយ៖ មូល មិនា (ប្រភព៖ យ៉ុនហាប់)