AKPកំពង់ធំថ្ងៃទី៣០ខែមេសា ឆ្នាំ២០២៥--មន្ទីរកិច្ចការនារីខេត្តសហការជាមួយអាជ្ញាធរស្រុក/ឃុំបានរៀបចំបេីកវគ្គអប់រំផ្សព្វផ្សាយស្តីពីច្បាប់ទប់ស្កាត់អំពើហិង្សាក្នុងគ្រួសារនិងកិច្ចការពារជនរងគ្រោះ ច្បាប់ទប់ស្កាត់ការជួញដូរមនុស្សនៅឃុំស្រើងនិងឃុំគោលស្រុកប្រាសាទសំបូរខេត្តកំពង់ធំកាលពីថ្ងៃទី២៩ខែមេសាឆ្នាំ២០២៥ក្រោមវត្តមានលោកស្រី ស៊ិន ស៉ីផាន ប្រធានមន្ទីរកិច្ចការនារីខេត្តកំពង់ធំនិងដោយអញ្ជេីញចូលរួមពីលោក ម៉ាន់ សារ៉ាត អភិបាលរងស្រុក មន្រ្តីការិយាល័យស្រុក មេឃុំសមាជិកក្រុមប្រឹក្សាឃុំមេភូមិនិងប្រជាពលរដ្ឋជាច្រើននាក់។

វគ្គអប់រំផ្សព្វផ្សាយនេះរៀបចំឡើងនៅពីរទីតាំងផ្សេងគ្នា។ពេលព្រឹកនៅវត្តទំនប់ឃុំស្រើងមានអ្នកចូលរួមសរុបចំនួន ១០០នាក់(ស្រី៦៩នាក់)និងពេលរសៀលនៅវត្តសិរីមង្គលហៅ(វត្តកំពង់ជ្វា)ឃុំគោលមានអ្នកចូលរួមសរុប១០១នាក់ (ស្រី៥៧នាក់)។

បន្ទាប់ពីលោក ម៉ាន់ សារ៉ាត អភិបាលរងស្រុកប្រាសាទសំបូរឡើងមានមតិស្វាគមន៍រួចមកលោកស្រី ស៊ិន ស៊ីផានបានថ្លែងអំណរគុណដល់អ្នកចូលរួមទាំងអស់និងបានបញ្ជាក់ថាកម្មវិធីថ្ងៃនេះពិតជាមានសារៈសំខាន់ណាស់ដេីម្បីបង្កេីនការយល់ដឹងដល់បងប្អូនប្រជាពលរដ្ឋនៅក្នុងគ្រួសារ និងសហគមន៍អំពីច្បាប់ទប់ស្កាត់អំពើហិង្សាក្នុងគ្រួសារនិងកិច្ចការពារជនរងគ្រោះ,ច្បាប់ទប់ស្កាត់ការជួញដូរមនុស្សនិងបញ្រ្ជាបការទប់ស្កាត់គ្រឿងញៀនពិសេសទៅលើស្រ្តីនិងកុមារ ហើយជាចំណុចរសើបនិងមានអាទិភាពខ្ពស់។ការរាំងស្ទះដល់ការអភិវឌ្ឋន៍សេដ្ឋកិច្ច ការពង្រឹងសមត្ថភាពនិងការពង្រឹងសិទ្ធិអំណាចរបស់ស្ត្រីនិងសិទ្ធិកុមារក៍ដូចជាកិច្ចអភិឌ្ឍន៍ជាតិឱ្យមានស្ថេរភាព សន្តិសុខកាន់តែប្រសើឡើង។

លោកស្រីស៊ិន ស៊ីផានបានលើកទឹកចិត្តឱ្យស្រ្តីគ្រប់រូបត្រូវថែរក្សាសុខភាពនិងមានអនាម័យល្អក្នុងការរស់នៅនិងតាមដានសុខភាពជាប្រចាំដូចជាជម្ងឺមហារីកស្បូននិងជំងឺផេ្សងៗទៀតពាក់ព័ន្ធរោគស្រ្តីហើយសុំឱ្យមាតាបីតាអាណាព្យាបាលថែទាំគ្រប់គ្រងកូនស្រីឱ្យបានល្អដើម្បីសុត្ថិភាពរបស់កូនកុំឱ្យមានបញ្ហាអ្វីកើតឡើង។នៅពេលបច្ចុប្បន្ននេះរាជរដ្ឋាភិបាលបានយកចិត្តទុកដាក់លើកកម្ពស់ស្រ្តីនិងក្មេងស្រីឱ្យទទួលបាននូវឱ្យកាសស្មេីគ្នានិងជួយជនរងគ្រោះដោយការរំរំលោភបំពាននានាក្នុងនោះបានផ្លល់មេធាវីសម្រាប់ជនរងគ្រោៈក្រីក្រដោយមិនគិតថវិកាផងដែរ"ជួយស្រ្តីគឺជួយខ្លួនឯង"៕

ដោយ៖ ស៊ុម វណ្ណា