AKP ភ្នំពេញ ថ្ងៃទី០៩ ខែមេសា ឆ្នាំ២០២៥ -- ក្រុងប៉ោយប៉ែត នឹងរៀបចំព្រឹត្តិការណ៍ដ៏ពិសេសមួយ ដែលនឹងផ្លាស់ប្តូរប្រវត្តិសាស្ត្រនៃទីក្រុងប៉ោយប៉ែតថ្មីពីថ្ងៃនេះតទៅ ជាមួយនឹងពិធីបុណ្យសង្រ្កាន្តបែបទំនើប ដែលមានរួមបញ្ជូលនូវកម្មវិធីយន្តហោះឋានសួគ៌ និងទស្សនីយភាពថ្មីដែលពុំធ្លាប់មានពីមុនមក ដូចជាឆាកអណ្តែតលើអាកាសដ៏ធំបំផុត។ នេះបើយោងតាមសេចក្ដីប្រកាសព័ត៌មានរបស់កម្មវិធី HEAVEN 747។

សម្រាប់កម្មវិធីថ្មីអស្ចារ្យដំបូងគេ បានមកដល់ហើយ ដែលនឹងធ្វើឡើងពីថ្ងៃទី ១៣-១៥ ខែមេសា ឆ្នាំ២០២៥ ចាប់ពីម៉ោង ៤៖០០ រសៀលដល់ម៉ោង ២៖០០ ទៀបភ្លឺ ដោយត្រៀមជួបជាមួយនឹងព្រឹត្តិការណ៍ដ៏ពិសេសដែលនឹងផ្លាស់ប្តូរប្រវត្តិសាស្ត្រនៃទីក្រុងប៉ោយប៉ែតថ្មីពីថ្ងៃនេះតទៅ។ HEAVEN 747 នេះ មិនមែនគ្រាន់តែជាពិធីបុណ្យសង្ក្រាន្តប៉ុណ្ណោះទេ ប៉ុន្តែនេះ គឺជាកម្មវិធីយន្តហោះឋានសួគ៌ដែលប្រារព្ធឡើង រួមជាមួយនឹងពិធីបុណ្យ សង្ក្រាន្តទំនើបដ៏អស្ចារ្យរួមបញ្ចូលដោយព្រឹត្តិការណ៍ចែករំលែកវប្បធម៌ និងរីករាយសាទរជាមួយគ្នានូវទស្សនីយភាពថ្មីដែលពុំធ្លាប់មានពីមុនមក។ ដូច្នេះ សម្រាប់លោក លោកស្រីដែលចង់អភិវឌ្ឍន៍ និងផ្តល់ថាមពលថ្មីៗដល់ខ្លួនអ្នកសូមអញ្ជើញចូលរួមបង្កើតភាពសប្បាយទទួលលាភសំណាងអស្ចារ្យជាមួយនឹងយន្តហោះយក្ស Boeing 747 ដែលជាយន្តហោះដំបូងគេក្នុងប្រវត្តិសាស្ត្រ “ក្រុងប៉ោយប៉ែត” អមជាមួយទស្សនីយភាពឆាកបណ្តែតលើអាកាសទៀតផង។

ទន្ទឹមនេះ ពិសេសលើសពីពិសេសទៀតនោះ កម្មវិធីដ៏អស្ចារ្យនេះ នឹងនាំមកនូវកម្មវិធីជាច្រើនដែលរួមមាន៖ ឆាកអណ្តែតលើអាកាសដ៏ធំបំផុតនៅលើពិភពលោកដើម្បីអណ្តែតពីលើមេឃ បំពេញបរិយាកាសដ៏អស្ចារ្យ, ព្រឹត្តិការណ៍ Heaven 747's Rain- Praying Ceremony បង្ហាញភាពភ្ញាក់ផ្អើលជាមួយនឹងពន្លឺភ្លើងជ្រួន 747ដួង ដែលចាំងបង្ហាញអក្សរដ៏អស្ចារ្យនៅលើមេឃ, បាញ់កាំជ្រួច 747 គ្រាប់,  "Pure RO Rain” ដែលអ្នកអាចផឹកបានភ្លៀងធ្លាក់ពីលើជញ្ចៀនបណ្តែតលើអាកាស សប្បាយខ្លាំងបំផុត, កន្លែងលេងទឹក 360 ដឺក្រេ ជុំវិញយន្តហោះ។
ជាមួយគ្នានេះដែរ ព្រឹត្តិការណ៍នេះបើកឱ្យចូលរួមសប្បាយជាមួយគ្នាដោយសេរី ជាមួយ Line Up MC DJ លំដាប់ពិភពលោកទាំង២៣រូប ដែលរួមមាន DJ Beauz, DJ DUBVISION, DJ RAYRAY, DJ VINΑΙ, DJ WUKONG, DJ BOTCASH, DJ KARTY, DJ SURA, DJ TTIΝΑ, MC BIZZO, MC BOOMER, DJ BUBBLEPAINT, DJ BVZSERX, DJ DAISY, DJ H2H, DJ JAY SCHEMA, DJ KANSHRIYA, DJ 133 ,MC MIIU, DJ NEIL, DJ QUEEN NARA, DJ SUNDAY SUNDAE និង DJ ZARA GIFT។

សូមបញ្ជាក់ផងដែរថា ព្រឹត្តិការណ៍នេះមិនមែនកើតឡើងដោយចៃដន្យទេ ប៉ុន្តែវាកើតចេញពីការតាំងចិត្តរបស់ក្រុមការងារ ដែលបានប្តេជ្ញាបង្កើតតំបន់ថ្មី ក្នុងគោលបំណងអភិវឌ្ឍន៍ន្លែងនេះឱ្យក្លាយជាទីក្រុងប៉ោយប៉ែតថ្មីសម្រាប់មនុស្សទូទៅ លាយឡំដោយវប្បធម៌ចម្រុះដែលអ្នកទាំងអស់គ្នាអាចមកចូលរួមជាចំណែករបស់ជាមួយគ្នាបាន ជាទីក្រុងប៉ោយប៉ែតថ្មីនៅក្នុងប្រទេសកម្ពុជា៕

ដោយ៖ រិទ្ធី