AKP ភ្នំពេញ ថ្ងៃទី២៧ ខែមីនា ឆ្នាំ២០២៥--លោកជំទាវ ឡោក ខេង ប្រធានគណៈកម្មការ សុខាភិបាល សង្គមកិច្ច អតីតយុទ្ធជនយុវនីតិសម្បទា ការងារ    បណ្តុះបណ្តាលវិជ្ជាជីវៈ និងកិច្ចការនារីនៃរដ្ឋសភា និងជាប្រធានក្រុមសភាជាតិកម្ពុជានៃអ្នកនយោបាយសភាស្រ្តី នៅវិមានរដ្ឋសភា នារសៀលថ្ងៃទី២៦ ខែមីនា ឆ្នាំ២០២៥ បានអញ្ជើញដឹកនាំកិច្ចប្រជុំក្រុមសភាជាតិកម្ពុជា នៃអ្នកនយោបាយសភាស្រ្តី ដើម្បីពិនិត្យ វាយតម្លៃលទ្ធផលការងារដែលបានអនុវត្តនាពេលកន្លងមកនិងផែនការសកម្មភាពដែលត្រូវអនុវត្តបន្ត។

របៀបវារៈសំខាន់ៗនៃកិច្ចនេះ មានដូចជា ៖ 

១ . ស្តាប់របាយការណ៍ថវិកាតាំងពីដើមអាណាត្តិរហូតដល់ខែមីនាឆ្នាំ២០២៥។

២ . ពិភាក្សាកម្មវីធីទស្សនៈកិច្ចនៅប្រទេសជប៉ុន និងកោះហៃណាន់ប្រទេសចិន នាពេលខាងមុខ។

៣ . រៀបចំផែនការសកម្មភាពសភាស្រ្តីស្តីពី “សភាត្រាប់” សំរាប់កម្មវីធី Girl 2Lead  ។

កិច្ចប្រជុំខាងលើនេះ មានការអញ្ជើញចូលរួមពី លោកជំទាវ ឯកឧត្តម លោក លោកស្រី ជាសមាជិកាក្រុមសភាជាតិកម្ពុជា នៃអ្នកនយោបាយសភាស្រ្តី និងមន្រ្តីពាក់ព័ន្ធ ផងដែរ៕

ដោយ៖ ប៊ុនរិទ្ធ