AKP ភ្នំពេញ ថ្ងៃទី២៦ ខែមីនា ឆ្នាំ២០២៥-- អង្គការសត្វព្រៃ និងរុក្ខជាតិប្រចាំកម្ពុជា Fauna And Flora បានមានសេចក្តីសោមនស្សរីករាយដែលបានចូលរួមក្នុងកម្មវិធី «ជុំវិញទន្លេមេគង្គ» លើកទី៤ ដែលផ្តោតទៅលើការចាក់បញ្ចាំងខ្សែភាពយន្ត កិច្ចពិភាក្សា និងបទបង្ហាញស្តីការអភិរក្ស និងការលើកកម្ពស់ជីវចម្រុះលើដី និងក្នុងទឹកនៅមហោស្រពអន្តរជាតិកម្ពុជាលើកទី១៤។  

ប្រភពពីអង្គការ Fauna And Flora បានឱ្យដឹងនៅថ្ងៃទី២៦ ខែមីនា ឆ្នាំ២០២៥ថា យើងមានឱកាសក្នុងការចែករំលែកនូវសមទ្ធិផលសំខាន់ៗនៃការងាររបស់យើង តាមរយ:ការចាក់បង្ហាញវីដេអូ ឯកសារខ្លីក្រោមប្រធានបទ ការសិក្សាស្រាវជ្រាវប្លាស្ទិកសមុទ្រ និង២៥ឆ្នាំនៃការអភិរក្សក្រពើភ្នំនៅកម្ពុជា ទៅកាន់យុវជនអ្នកចូលរួមជាង ១០០ នាក់ជាមួយនឹងកិច្ចពិភាក្សាទាក់ទងនឹងប្រធានបទខាងលើ ដែលបានផ្ដល់នូវចំណេះដឹងដ៏មានតម្លៃដល់យុវជន។

អ្នកចូលរួមទាំងអស់ក្នុងការស្វែងយល់ពីបញ្ហាបំពុលប្លាស្ទិកសមុទ្រនៅកម្ពុជា  និងសារៈសំខាន់នៃការការពារប្រភេទសត្វជិតផុតពូជជាពិសេសនៅក្នុងប្រព័ន្ធអេកូឡូស៊ី៕

ដោយ ណយ នឿន (ប្រភព៖ Fauna And Flora)