AKP ភ្នំពេញ ថ្ងៃទី២៣ ខែមីនា ឆ្នាំ២០២៥--

ឯកឧត្តម គិត ចន្ទ័គ្រឹស្នា អនុរដ្ឋលេខាធិការជាប្រធានក្រុមប្រតិបត្តិទទួលស្រុកសង្កែ និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប នៅថ្ងៃទី២២ ខែមីនា ឆ្នាំ២០២៥ ដឹកនាំមន្ត្រីបច្ចេកទេសអន្តរក្រសួងទៅ ពិនិត្យ ផ្ទៀងផ្ទាត់ ធ្វើបច្ចុប្បន្នភាព បង្គោលព្រំតំបន់៣ ស្រុកឯកភ្នំ និងស្រុកសង្កែ។

ក្នុងឱកាសចុះពិនិត្យផ្ទាល់នោះ ឯកឧត្តម គិត ចន្ទ័គ្រឹស្នា និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប និងជាប្រធានក្រុមការងារមុខព្រួញខេត្តបាត់ដំបង របស់អាជ្ញាធរទន្លេសាប រួមជាមួយថ្នាក់ដឹកនាំនាយកដ្ឋាន និងមន្ត្រីបច្ចេកទេសអាជ្ញាធរទន្លេសាប បានសហការជាមួយថ្នាក់ដឹកនាំ និងមន្ត្រីបច្ចេកទេសរបស់ក្រសួងរៀបចំដែនដី នគរូបនីយកម្ម និងសំណង់ដែល ព្រមជាមួយ អាជ្ញាធរដែនដី ប៉ុស្តិ៍នគរបាលរដ្ឋបាលឃុំ បន្តអនុវត្តការងារ ចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាឃុំ ស្រុក ពាក់ព័ន្ធនឹងតំបន់បឹងទន្លេសាប ដោយផ្ទាល់។

ក្នុងការចុះពិនិត្យស្ថានភាពជាក់ស្តែងក្រុមចំរុះអន្តរក្រសួង បានទៅដល់ដីស្រែប្រជាពលរដ្ឋ និងបង្គោលព្រំតំបន់៣ ស្ថិតក្នុងភូមិសាស្ត្រន ស្រុកឯកភ្នំ និង ស្រុកសង្កែ ខេត្តបាត់ដំបង ដោយផ្ទាល់៕

ដោយ ណយ នឿន  (ប្រភព៖ អាជ្ញាធរទន្លេសាប)