AKPភ្នំពេញថ្ងៃទី១៤ ខែមីនា ឆ្នាំ២០២៥--លោកស្រី សំ សុម៉ាលី អនុប្រធាននាយកដ្ឋាន អភិវឌ្ឍន៍ជនជាតិភាគតិច បានដឹកនាំកិច្ចប្រជុំ ស្ដីពីការពង្រឹងតួនាទី ភារកិច្ច រចនាសម្ព័ន្ធគណៈកម្មាធិការសហគមន៍ជនជាតិដើមភាគតិច កួយ ចំនួន ៣ភូមិ នៅភូមិអូរក្រូច ភូមិស្រែ និងភូមិអណ្តាស់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។ 

កិច្ចប្រជុំកាលពីថ្មីៗកន្លងមកនេះមាន សមាសភាព ចូលរួមពី ក្រុមការងារនាយកដ្ឋានអភិវឌ្ឍន៍ជនជាតិភាគតិច ក្រុមការងារមន្ទីរ អភិវឌ្ឍន៍ជនបទខេត្តកំពង់ធំ លោកមេភូមិ សមាជិកគណៈកម្មាធិការសហគមន៍ និង(ចាស់ទុំភូមិ) ដែលមានចំនួនសរុប ៧០នាក់      ជាលទ្ធផល សមាជិកគណៈកម្មាធិការទាំង ៣ សហគមន៍ កាន់តែយល់ច្បាស់ពីតួនាទី ភារកិច្ចរបស់ខ្លួន ព្រមទាំងទទួលបានចំណេះដឹងថ្មីៗ ពីបទបង្ហាញនៃការចែករំលែកអំពីសមិទ្ធផលការងារ ដែលបានអនុវត្តនាពេលកន្លងមក និងបានចែករំលែកបទពិសោធ៍គ្នាទៅវិញទៅមកអំពីការដឹកនាំ និងការគ្រប់គ្រងក្នុងសហគមន៍របស់ពួកគាត់។ សហគមន៍នីមួយៗក៏បានលើកឡើងអំពី ផែនការ អភិវឌ្ឍន៍ក្នុងភូមិរបស់ខ្លួន ធ្វើយ៉ាងណាជំរុញឱ្យសហគមន៍ពួកគាត់កាន់តែមានការ  អភិវឌ្ឍន៍កាន់តែ មានភាពរីកចម្រើននៅថ្ងៃអនាគត៕

ដោយ៖ពេជ្រ សំអឿន,ប្រភព៖ ក្រសួង អភិវឌ្ឍន៍ជនបទ