AKP ភ្នំពេញ ថ្ងៃទី២៦ ខែកុម្ភៈ ឆ្នាំ២០២៥-- 

សាជីវកម្មធានាឥណទានកម្ពុជា (CGCC) និងគម្រោងអភិវឌ្ឍន៍ជលផលក្រោយប្រមូលផល (CAPFISH-Capture) បានប្រារព្ធវឌ្ឍនភាពដ៏សំខាន់មួយក្នុងការពង្រឹងបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតមីក្រូ តូច និងមធ្យម (MSMEs) ក្នុងវិស័យជលផលក្រោយប្រមូលផលនៅកម្ពុជា។ ពិធីនេះបានធ្វើឡើងដោយមានការចុះហត្ថលេខាជាផ្លូវការលើកិច្ចព្រមព្រៀង គាំទ្រសហគ្រាសកែច្នៃផលផលិតផលជលផលចំនួន ១១ ក្រោមកម្មវិធីហិរញ្ញវត្ថុគាំទ្រការវិនិយោគ (ISF)។

កម្មវិធី ISF គឺជាគំរូហិរញ្ញវត្ថុថ្មីមួយរបស់គម្រោង CAPFISH-Capture ក្រោមការគាំទ្រថវិកាពីសហភាពអឺរ៉ុប (EU)។ កម្មវិធី ISF មានទម្រង់ជាហិរញ្ញវត្ថុ បដិភាគ កៀរគរការវិនិយោគសរុបប្រមាណ ២,៥០លាន ដុល្លារអាមេរិក រួមមានកញ្ចប់មូលនិធិគម្រោងគាំទ្រជាសម្ភារបរិក្ខាចំនួន ១លាន ដុល្លារអាមេរិក (៤០% នៃការវិនិយោគសរុប) ប្រាក់កម្ចីអាជីវកម្មពីគ្រឹះស្ថានហិរញ្ញវត្ថុចូលរួមរបស់ CGCC ជាមួយនឹងការធានាឥណទានពី CGCC ចំនួន១,២៥លានដុល្លារអាមេរិក (៥០%) និងសហ វិនិយោគផ្ទាល់ពីសហគ្រាសចំនួន ២៥០.០០០ ដុល្លារអាមេរិក (១០%)។

របាយការណ៍ខាងលើនេះបានឱ្យដឹងដែរថា ចាប់តាំងពីការដាក់ឱ្យដំណើការនៅចុងឆ្នាំ២០២៤ រហូតមកដល់បច្ចុប្បន្ននេះ កម្មវិធី ISF បាន និងកំពុងគាំទ្រសហគ្រាស់ជីដំបូងចំនួន ១១ នឹងសហគ្រាស៏ជាច្រើន ទៀតស្ថិតក្នុងដំណើរការជ្រើសរើសនៃកម្មវិធី។ ជាមួយកញ្ចប់ហិរញ្ញប្បទានដំបូងរបស់ គម្រោងចំនួន ៣២០.០០០ ដុល្លារអាមេរិក បានទាក់ទាញទនវិនិយជោគបន្ថែមជា ប្រាក់កម្ចីមានការធានាចំនួន ៣៤០.០០០ ដុល្លារអាមេរិក ពីគ្រឹះស្ថាន ហិរញ្ញវត្ថុចូលរួមរបស់ CGCC ចំនួន២ស្ថាប័ន គឺធនាគារអេស៊ីលីដា និងធនាគារមេយប៊ែង រួមជាមួយសហវិនិយោគពីសហគ្រាសិផ្ទាល ចំនួន ៥៨០.០០០ ដុល្លារអាមេរិក។

“កម្មវិធី ISF ផ្តោតការគាំទ្រជាចម្បងដល់សហគ្រាសផលផលក្រោយប្រមូលផល ដែលចង់បង្កើនប្រតិបត្តិការអាជីវកម្ម និងពង្រីក ទីផ្សារទាំងក្នុង និងក្រៅស្រុក។ កម្មវិធីផ្តល់ភាពអង់អាច និងការយកចិត្តទុកដាក ដល់អាជីវកម្មដែលដឹកនាំដោយស្ត្រី យុវជន និងជនមានពិការភាព។

តាមរយៈគំរូហិរញ្ញវត្ថុថ្មីនៃកម្មវិធី ISF នេះ គម្រោង CAPFISH-Capture និង CGCC ប្តេជ្ញាចិត្តគាំទ្រសហគ្រាសស្ថិតក្នុងខ្សែច្រវាក់តម្លៃជលផលក្រោយប្រមូលផល ក្នុងការអនុវត្តសុវត្ថិភាពម្ហូបអាហារ នឹងស្ទឹងដារទីផ្សារ។ កញ្ចប់គាំទ្របច្ចេកទេសដែល ឆ្លើយតបពេញលេញទៅនឹងតម្រូវការជាក់លាក់របស់សហគ្រាស រួមមានការបង្កើត ផែនការអាជីវកម្ម ការផ្សារភ្ជាប់ទីផ្សារ ការបំពេញបានតាមលក្ខខណ្ឌតម្រូវផ្នែក សុវត្ថិភាពម្ហូបអាហារ បរិស្ថាន និងសង្គមជាដើម។

ជាមួយគ្នានេះដែរសហគ្រាសជលផលក្រោយប្រមូលផលដែលមានចំណាប់អារម្មណ៍នោះត្រូវបានគេឱ្យដាក់ពាក្យចាប់ពីពេលនេះទៅ ដោយបានផ្អែកតាមថវិកាមានកំណត់ ដាក់ពាក្យស្នើសុំមុន៕

ដោយ៖ ដេប៉ូ