EN 
FR 
AR
CNកូរ៉េខាងត្បូងជាប់ចំណាត់ថ្នាក់ទី៨ លើពិភពលោកផ្នែកបច្ចេកវិទ្យាការពារជាតិ
AKP ភ្នំពេញ ថ្ងៃទី២៣ ខែមករា ឆ្នាំ២០២៥ -- របាយការណ៍របស់រដ្ឋាភិបាលរយៈពេល ៣ឆ្នាំបានបង្ហាញកាលពីថ្ងៃពុធថា បច្ចេកវិទ្យាការពារជាតិរបស់ប្រទេសកូរ៉េខាងត្បូងត្រូវបានគេវាយតម្លៃថាជាបច្ចេកវិទ្យាទំនើបបំផុតលំដាប់ទី៨ របស់ពិភពលោកគិតត្រឹមឆ្នាំមុន ដោយបានផ្លាស់ប្តូរមួយកម្រិតពីការពិនិត្យឡើងវិញ។
យោងតាមរបាយការណ៍របស់វិទ្យាស្ថានស្រាវជ្រាវកូរ៉េសម្រាប់ការធ្វើផែនការ និងការជឿនលឿនបច្ចេកវិទ្យាការពារជាតិ (KRIT) បានឱ្យដឹងថា បើប្រៀបធៀបទៅនឹងសហរដ្ឋអាមេរិក ដែលឈរនៅលំដាប់កំពូលក្នុងបញ្ជីប្រទេសចំនួន ១៦ កម្រិតនៃបច្ចេកវិទ្យាការពារជាតិកូរ៉េខាងត្បូងត្រូវបានគេវាយតម្លៃថាឈរនៅប្រហែល ៨២% នៃចំនួនរបស់សហរដ្ឋអាមេរិក។
ប្រទេសបារាំង និងរុស្ស៊ីជាប់លេខ២ តាមពីក្រោយដោយប្រទេសអាល្លឺម៉ង់ ចក្រភពអង់គ្លេស ចិន និងអ៊ីស្រាអែល។ ប្រទេសកូរ៉េខាងត្បូង និងជប៉ុនបានជាប់ក្នុងចំណាត់ថ្នាក់ទី៨ តាមពីក្រោយដោយប្រទេសអ៊ីតាលីឥណ្ឌា និងអេស្ប៉ាញ៕
របាយការណ៍នេះបានសន្មតថា ការកើនឡើងរបស់ប្រទេសកូរ៉េខាងត្បូងចំពោះប្រព័ន្ធកាំភ្លើងធំដ៏រឹងមាំរបស់ខ្លួន ដែលត្រូវបានគេស្គាល់ថាម៉ាស៊ីនបាញ់កាំភ្លើងធំស្វ័យប្រវត្តិ K9 និងប្រព័ន្ធអាវុធធ្វើសមយុទ្ធ ដូចជារថក្រោះ K2 ជាដើម។
របាយការណ៍បានបង្ហាញថា ប្រទេសកូរ៉េខាងត្បូងក៏បានធ្វើឱ្យមានការរីកចម្រើនយ៉ាងខ្លាំងក្នុងផ្នែកដូចជាកម្មវិធីការពារជាតិ និងយន្តហោះគ្មានមនុស្សបើក។ វិទ្យាស្ថាន KRIT បានបោះពុម្ពរបាយការណ៍នេះតាំងពីឆ្នាំ២០០៨ ដើម្បីវាយតម្លៃភាពខ្លាំង និងភាពទន់ខ្សោយនៃប្រៀបធៀបរបស់ប្រទេសកូរ៉េខាងត្បូងក្នុងការអភិវឌ្ឍបច្ចេកវិទ្យាការពារជាតិ៕
ដោយ៖ មូល មិនា (ប្រភព៖ យ៉ុនហាប់)
