AKP ភ្នំពេញ ថ្ងៃទី២៣ ខែមករា ឆ្នាំ២០២៥ -- ​រដ្ឋបាលកម្មវិធីទិញសព្វាវុធរបស់រដ្ឋ (DAPA) បាននិយាយកាលពីថ្ងៃពុធថា ប្រធានទីភ្នាក់ងារលទ្ធកម្មអាវុធរបស់រដ្ឋបានធ្វើទស្សនកិច្ចនៅប្រទេសអារ៉ាប៊ីសាអូឌីតកាលពីដើមសប្តាហ៍នេះ ដើម្បីពិភាក្សាអំពីវិធីពង្រឹងកិច្ចសហប្រតិបត្តិការអាវុធជាមួយមន្ត្រីការពារជាតិ និងយោធាសំខាន់ៗនៅក្នុងប្រទេសមជ្ឈិមបូព៌ា។

យោងតាម​រដ្ឋបាល DAPA បានឱ្យដឹងថា ប្រធានរដ្ឋបាល DAPA លោក ស៊ុក ជុងហ្គន់ (Seok Jong-gun) បានជួបពិភាក្សាជាមួយលោក អាប់ឌុលឡាហ៍ ប៊ីន បានដារ អាល់សូដ (Abdullah bin Bandar Al Saud)រដ្ឋមន្ត្រីឆ្មាំជាតិអារ៉ាប៊ីសាអូឌីត ដើម្បីពិភាក្សាអំពីការដេញថ្លៃរបស់ទីក្រុងរីយ៉ាដ ក្នុងការធ្វើទំនើបកម្មលើឧបករណ៍ដីរបស់ខ្លួន និងបានយល់ព្រមបង្កើតវិធីលម្អិតសម្រាប់កិច្ចសហប្រតិបត្តិការនៅចុងឆ្នាំនេះ។

លោក ស៊ុក ក៏បានជួបជាមួយ លោក ខាលីដ ប៊ីន ហូសសេន អាល់ បាយ៉ារី (Khalid bin Hussein Al-Bayari) ជំនួយការរដ្ឋមន្ត្រីក្រសួងការពារជាតិទទួលបន្ទុកកិច្ចការប្រតិបត្តិន៍សម្រាប់កិច្ចពិភាក្សាស្តីពីការដេញថ្លៃរបស់ប្រទេសអារ៉ាប៊ីសាអូឌីត ក្នុងការទិញដី ដែនសមុទ្រ និងអាកាសចរណ៍ និងកិច្ចសហប្រតិបត្តិការទ្វេភាគីរវាងឧស្សាហកម្មសព្វាវុធរបស់ពួកគេ។

ប្រធានរដ្ឋបាល DAPA បានប្តេជ្ញាថានឹងបង្កើនកិច្ចខិតខំប្រឹងប្រែងដើម្បីទទួលបានកិច្ចព្រមព្រៀងនាំចេញអាវុធបន្ថែមទៀត ដោយលោកបាននិយាយថា ដំណើរទស្សនកិច្ចចុងក្រោយនេះបានបញ្ជាក់ពីសក្តានុពលរបស់ប្រទេសអារ៉ាប៊ីសាអូឌីតក្នុងនាមជា «ដៃគូសហប្រតិបត្តិការអាវុធដ៏ធំបំផុតមួយរបស់ប្រទេសកូរ៉េខាងត្បូង» ដែលនឹងឆ្ពោះទៅមុខ។

លោក ស៊ុក បានទៅបំពេញទស្សនកិច្ចនៅប្រទេសអារ៉ាប៊ីសាអូឌីតជាផ្នែកនៃដំណើរ ទស្សនកិច្ចពីរប្រទេសក្នុងគោលបំណងជំរុញការនាំចេញអាវុធដែលមានសក្តានុពលដែលនឹងនាំលោកទៅកាន់ប្រទេសន័រវេសផងដែរ៕

ដោយ៖ មូល មិនា (ប្រភព៖ យ៉ុនហាប់)