AKP ភ្នំពេញ ថ្ងៃទី២២ ខែមករា ឆ្នាំ២០២៥ -- លោក យូរី យូសាកូវ (Yury Ushakov) ជំនួយការរបស់ប្រធានាធិបតីរុស្ស៊ី បាននិយាយថា ស្ថានភាពនៅក្នុងប្រទេសស៊ីរី គឺស្ថិតក្នុងរបៀបវារៈនៃកិច្ចពិភាក្សាថ្ងៃនេះរវាងប្រធានាធិបតីរុស្ស៊ី លោក វ្លាឌីមៀ ពូទីន (Vladimir Putin) និងប្រធានាធិបតីចិន លោក ស៊ី ជីនពីង (Xi Jinping) ។ លោកបានមានប្រសាសន៍ថា «មេដឹកនាំក៏បានពិភាក្សាអំពីការវិវឌ្ឍថ្មីៗនៅក្នុងប្រទេសស៊ីរី និងប្រធានបទមួយចំនួនទៀត»។

អង្គភាពប្រឆាំងប្រដាប់អាវុធក្នុងប្រទេសស៊ីរី បានបើកការវាយប្រហារទ្រង់ទ្រាយធំលើកងទ័ពរដ្ឋាភិបាលនៅក្នុងទីក្រុងអាឡិបប៉ូ និងខេត្តអ៊ីដលីប នៅចុងខែវិច្ឆិកា ឆ្នាំ២០២៤។ នៅ​ថ្ងៃ​ទី ៨ ខែ​ធ្នូ ពួក​គេ​បាន​ចូល​ក្នុង​ក្រុង​ដាម៉ាស់ ខណៈ​ដែល​​ប្រធានាធិបតីស៊ីរី លោក បាសារ អាសសាដ (Bashar Assad) បាន​ចុះ​ចេញ​ពី​តំណែង ហើយ​បាន​ភៀស​ខ្លួន​ចេញ​ពី​ប្រទេស។ នៅថ្ងៃទី១០ ខែធ្នូ លោក ម៉ូហាមមេដ អាល់ បាសៀ (Mohammed al-Bashir) បានដឹកនាំរដ្ឋាភិបាលដែលហៅថា        រដ្ឋាភិបាលសង្គ្រោះស៊ីរី នៅក្នុងខេត្តខេត្តអ៊ីដលីប បានប្រកាសតែងតាំងជាប្រមុខរដ្ឋាភិបាល         បណ្តោះអាសន្នរបស់ប្រទេសស៊ីរី ដោយលោកបាននិយាយថា រយៈពេលអន្តរកាលនឹងមានរយៈពេលរហូតដល់ថ្ងៃទី១ ខែមីនា ឆ្នាំ២០២៥៕

ដោយ៖ មូល មិនា (ប្រភព៖ តាសស៍)