AKP ភ្នំពេញ ថ្ងៃទី២២ ខែមករា ឆ្នាំ២០២៥ -- ផ្ទះចំនួន ៥៤៣ ខ្នងត្រូវបានបំផ្លាញនៅក្នុងគ្រោះអគ្គីភ័យនៅក្នុងសង្កាត់កេម៉ាយ៉ូរ៉ាន់ កណ្តាលទីក្រុងហ្សាកាតា កាលពីថ្ងៃទី២១ ខែមករា។

យោងតាមលោក ស៊ូសាតយ៉ូ ពួរណូម៉ូ កុនដ្រូ (Susatyo Purnomo Condro) អធិការក្រុងហ្សាកាតា បានឱ្យដឹងថា អាជ្ញាធរបានដាក់ពង្រាយរថយន្តពន្លត់អគ្គិភ័យចំនួន ៣៤គ្រឿង ដោយមានអ្នកពន្លត់អគ្គិភ័យប្រមាណ ១៧០នាក់ដើម្បីពន្លត់ភ្លើង។ ប្រតិបត្តិការ​នេះ​បាន​អូស​បន្លាយ​រហូត​ដល់​ម៉ោង ​៦:០០នាទី​ព្រឹកដោយ​មិន​មាន​អ្នក​រង​របួស​ឡើយ។ មនុស្សជាង ១.៧០០នាក់ត្រូវបានផ្លាស់ទីលំនៅ។

អគ្គិភ័យ​នេះ​សង្ស័យ​បណ្តាលមកពី​ឆ្លង​ចរន្ត​អគ្គិសនី​បាន​ឆាបឆេះ​កាលពី​វេលា​ម៉ោង​០​និង​៣០​នាទី​ព្រឹក​ចេញពី​ផ្ទះ​មួយ​ខ្នង​។ មូលហេតុពិតប្រាកដកំពុងស្ថិតក្រោមការស៊ើបអង្កេតនៅ     ឡើយ៕

ដោយ៖ មូល មិនា (ប្រភព៖ VNA)