AKP ភ្នំពេញ ថ្ងៃទី២០ ខែមករា ឆ្នាំ២០២៥ -- សន្ធិសញ្ញាភាពជាដៃគូយុទ្ធសាស្ត្រគ្រប់ជ្រុងជ្រោយរវាងទីក្រុងមូស្គូ និងទីក្រុងតេអេរ៉ង់ ដែលចុះហត្ថលេខាដោយប្រធានាធិបតីនៃប្រទេសទាំងពីរនៅវិមានក្រឹមឡាំងបានផ្តល់សម្រាប់ការអនុវត្តគម្រោងវិទ្យាសាស្ត្រ និងបច្ចេកទេសរួមគ្នានៃប្រទេសទាំងពីរ។

អត្ថបទដែលត្រូវបានបោះពុម្ពដោយសេវាសារព័ត៌មានវិមានក្រឹមឡាំងបាននិយាយថា       «ភាគីជាប់កិច្ចសន្យាបានជំរុញការអភិវឌ្ឍ និងពង្រឹងទំនាក់ទំនងយូរអង្វែង និងស្ថាបនាក្នុងវិស័យឧត្តមសិក្សា វិទ្យាសាស្ត្របច្ចេកវិទ្យា នវានុវត្តន៍ អនុវត្តន៍គម្រោងវិទ្យាសាស្ត្រ និងបច្ចេកទេសរួមគ្នាលើកទឹកចិត្តដល់ការបង្កើត និងអភិវឌ្ឍទំនាក់ទំនងផ្ទាល់រវាងស្ថាប័នអប់រំ និងវិទ្យាសាស្ត្រ»។

កិច្ចព្រមព្រៀងនេះបានផ្តល់សម្រាប់ការអភិវឌ្ឍភាពជាដៃគូរវាងសាកលវិទ្យាល័យនៃប្រទេសទាំងពីរ ការពង្រឹងការផ្លាស់ប្តូរវិទ្យាសាស្ត្រ និងគរុកោសល្យ និងការរៀបចំសន្និសីទវិទ្យាសាស្ត្រ។ កិច្ចព្រមព្រៀងនេះក៏មានប្រយោគស្តីពីជំនួយទៅវិញទៅមកក្នុងការសិក្សាភាសា និងវប្បធម៌របស់ភាគីទាំងពីរផងដែរ៕

ដោយ៖ មូល មិនា (ប្រភព៖ តាសស៍)