ខេត្តព្រះសីហនុ ៖ សកម្មភាពឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់កំពុងដំណើរការល្អ

AKP ខេត្តព្រះសីហនុ ថ្ងៃទី ៣០ ខែ ឧសភា ២០១២—–

សកម្មភាពឃោសនារកសមេ្លងឆ្នោតសម្រាប់ការប្រកួតប្រជែងជ្រើសរើសក្រុមប្រឹក្សាឃុំ សង្កាត់ អាណត្តិទី៣ ឆ្នាំ២០១២ នៅខេត្តព្រះសីហនុ មានគណបក្សនយោបាយចំនួន៥ បានចូលរួមក្នុងការបោះ ឆ្នោតជ្រើសរើស ក្រុមប្រឹក្សា ឃុំ សង្កាត់ ហើយការឃោសនាបោះឆ្នោតបានដំណើរការល្អពីគ្រប់គណបក្សនយោបាយ ពុំមាន បណ្តឹងជំទាស់ធំៗកើតឡើងទេ ចាប់តាំងពីថៃ្ងឃោសនាដំបូងមកដល់ថ្ងៃទី៣០ ខែ ឧសភា ឆ្នាំ២០១២។

គណបក្សនយោបាយដែលបានចូលរួមបោះឆ្នោតនៅខេត្តព្រះសីហនុមានចំនួន៥ ក្នុងនោះគណក្សប្រជាជន កម្ពុជា គណបក្សសម រង្ស៊ី គណបក្សហ៊្វុនស៊ីនប៉ិច គណបក្សនរោត្តមរណឫទ្ធិ និងគណបក្ស សិទ្ធិមនុស្ស។

លោក ហួត ផុន ប្រធានគណៈកម្មការជាតិរៀបចំការបោះឆ្នោតខេត្តព្រះសីហនុបញ្ជាក់ថា ការ ឃោសនា របស់គណបក្សនយោបាយទាំងអស់ អនុវត្តតាមកម្មវិធីនឹងរតិទិនដែលខ្លួនបានរៀបចំសម្រាប់ការឃោស នា។ ក្នុងដំណើរការឃោសនាបោះឆ្នោតរបស់គណបក្សនយោបាយអនុវត្តបានត្រឹមត្រូវតាម ប្រតិទិន ឬនីតិ វិធីរបស់ គ.ជ.ប ពុំមានការឃោសនាណាមួយរំលោភបំពានខុសមានលក្ខណធ្ងន់ធ្ងរនោះ ទេ។

ការឃោសនាវាមានការប៉ះពាល់សំឡេង តាមរយៈឧឃោសនស័ព្ទ ដែលបានចាក់ផ្សាយដោយគណ បក្សខ្លះ នៅជិតគ្នា ដែលមានការរំខានតិចតួចប៉ុណ្ណោះ យើងបានសម្រុះសម្រួលរួចហើយ។ ជាមួយគ្នា នេះដែរ នៅក្នុងដំណាក់កាលឃោសនាបោះឆ្នោតនេះដែរ នៅក្នុងមូលដ្ឋានមានការមមាញឹក ក្នុងការ ចែកប័ណ្ណព័ត៌មាន ដល់ អ្នកបោះឆ្នោត ហើយនៅសល់តិចតួចដែលប្រជាជនមិននៅ ឬអ្នកទទួលមរណ ភាព និងអ្នកដែលផ្លាស់ប្តូរ ចេញពីឃុំ សង្កាត់។ ហើយយើងនឹងខិតខំបន្តទៀត ដើម្បីធ្វើយ៉ាងណាចែក ជូនប្រជាជនទាំងឡាយ ណាដែលមិនទាន់បានទទួល។

រូបភាពនៃការឃោសនាបោះឆ្នោតរបស់គណបក្សនយោបាយនីមួយៗ មានការហែរក្បួនធ្វើមិទ្ទីញដើរចែក ខិត្តប័ណ្ណ ការចាត់ផ្សាយឃោសនាតាមឧបករណ៍បំពងសមេ្លង សម្តីពីគោលនយោបាយគណបក្សរៀងៗ ខ្លួន ក្នុងការអភិវឌ្ឍឃុំ សង្កាត់ ឲ្យមានការរីកចម្រើនស្របតាមប្រទេសកំពុងអភិវឌ្ឍន៍ជូនដល់អ្នក បោះឆ្នោត នៅ តាមទីស្នាក់ការគណបក្ស និងតាមទីធ្លាសាធារណៈផងដែរ។

លោកប្រធានបញ្ជាក់ថា ទន្ទឹមនឹងការឃោសនាបោះឆោ្នតអាណត្តិទី៣នេះ គណៈកម្មាធិការបោះ ឆ្នោត ឃុំ សង្កាត់ បានរៀបចំការជ្រើសរើសបុគ្គលិកសម្រាប់បម្រើការនៅក្នុងការិយាល័យបោះឆ្នោតដែលមាន២៣៦ការិយាល័យក្នុងក្រុង០១ និងស្រុក០៣ក្នុងខេត្តព្រះសីហនុ មានប្រជាជនត្រូវបោះឆ្នោតសរុប ចំនួន១២០.៤៩៥នាក់។ គណបក្សប្រជាជនកម្ពុជាមានគម្រោងដងែ្ហក្បួនឃោសនាដ៏ធំ នៅថៃ្ងទី០១ ខែ មិថុនា ឆ្នាំ២០១២ខាងមុខ ដោយចេញពីក្រុងព្រះសីហនុទៅជួបជុំគ្នានៅស្រុកពៃ្រនប់ នឹងឆ្លងកាត់ស្រុក ស្ទឹងហាវផង ដែរ៕

ដោយលោក ងូ សុមុនី